Tuesday, June 26, 2012

Nyo Htet (Lann Thit Oo) - Articles

Nyo Htet (Lann Thit Oo) - Articles
ဂျင်းဘောင်းဘီ အပြာ
ညိုထက် (လမ်းသစ်ဦး)
ဇွန် ၂၅၊ ၂၀၁၂

(၁)
ကျနော့်ကို ဗမာမိဘများမှ ဗမာပြည်မှာ မွေးသည်။ ကျနော်သည် ဗမာပြည်သားဖြစ်သည်။ ကျနော့်အသက် ၄၀ ထဲ ရောက်လာပြီ ဖြစ်သော် လည်း ယခုထိတိုင် ပုဆိုးကောင်းကောင်း မ၀တ်တက်။

(၂)
ရှစ်လေးလုံးအရေးတော်ပုံကို ရှစ်တန်းကျောင်းသားဘ၀နှင့် ကြုံတွေ့ခဲ့ရသည်။ တွက်ကြည့်တော့ ကျနော့်အသက် ၁၄ နှစ်။ ဆယ်ကျော် သက်အရွယ်ဖြစ်ပေမယ့် နိုင်ငံရေးဆိုသည်က ကျနော့် အသွေး အသားထဲသို့ ဒုတ်ဒုတ်ထိ တိုးဝင်သွားသည်။ သမဂ္ဂစိတ်ဓာတ်က တဖြန်းဖြန်း။ တိုက်ပွဲလမ်းကို တိုးဝင်ခဲ့သည်။ ဤသို့ဖြင့် အချိန်သိပ်မကြာ။ မိမိကိုယ်ကိုပြန်ကြည့်သော အခါ မဲနယ်တောင်တန်းပေါ်က သူပုန်ကျောင်းသား။

ကျနော်ဟာ ကလေးစစ်သားများလား။ ကျနော်တို့ရဲ့ ရဲဘော်ကြီး ဗိုလ်ဆန်နီပြောသည့်စကားကို သတိရမိသည်။ “ပုံမှန်မဟုတ်တဲ့အခြေအ နေမိုလို့ တော်လှန်ရေးဆိုတာပေါ်လာတာ။ ဘယ်သူကမှ ကလေးစစ်သားမစုဆောင်ပေမယ့် ရှစ်လေးလုံးအရေးတော်ပုံမှာ ကလေးတွေလည်း “မဆလ” ကို အလိုမရှိခဲ့တာပဲ။” ဖြစ်ပုံက ဘောင်းဘီတိုလေးနှင့် ကျောင်းသွားနေတုန်း “မဆလ” က ကျနော့်ကို တောထဲမောင်းပို့ခဲ့သည်ဟု မှတ်တမ်းတင်ရမည်ဖြစ်သည်။ ပုဆိုးအစမ်းဝတ်စမှာပင် တောခိုခဲ့ရသော သူပုန်ကျောင်းသား ကျနော်သည် တောထဲရောက်သည့်အခါ “ကျောင်းသားတပ်မတော်” ရဲ့ စစ်ယူနီဖောင်းကိုဝတ်ရသည်။ ခုံခုံမင်မင်။ မြတ်မြတ်နိုးနိုး။ သေနတ် - အီကွေ့မန့် - ခြုံစောင် - မိုးကာ - ကျော ပိုးအိပ်စာကြည့်တိုက်။ ကျနော့်တွင် ၀တ်စရာ ပုဆိုးမရှိ။ ထိုသို့ဖြစ့် ဆယ်စုနှစ် တခုထိတိုင်။

ပြီးနောက် …။ တိုက်ခိုက်ရေးရဲဘော်တာဝန်မှသည် ဗဟိုရုံးတာဝန်များကို ရွှေ့ပြောင်းထမ်းဆောင်ရသည်။ ပြန်ကြားရေး - စည်းရုံးရေး - သု တေသန။ ပုဆိုးအစမ်းဝတ်ခါစမှာ တောခိုလာပြီး တိုက်ခိုက်ရေးရဲဘော်အဖြစ် တောထဲတွင် နှစ်အတော်ကြာ နေထိုင်လာခဲ့သည့် ကျနော့် အနေဖြင့် ဗဟိုရုံးတာဝန်များကို ထမ်းဆောင်သည့်အချိန်တွင်လည်း ပုဆိုးမ၀တ်ဖြစ်။ ပုဆိုးမ၀တ်တက်တော့။ စစ်ယူနီဖောင်း ဘောင်ဘီမှသည် အရပ်ဝတ်ဘောင်းဘီသို့ ပြောင်းလဲဝတ်ဆင်ခဲ့သည်။ အရပ်ဝတ်ဘောင်းဘီကိုဝတ်ရသည့်အခါ ကျနော်အကြိုက်ဆုံးနှင့် ယနေ့ထိတိုင် ခုံခုံမင် မင် စွဲစွဲမြဲမြဲဝတ်သည့်ဘောင်းဘီက “ဂျင်း” ဘောင်းဘီ။ “ဂျင်း” ဘောင်းဘီကိုကျနော့်အကြိုက်ဆုံး။ အဲဒီ “ဂျင်း” ဘောင်းဘီမှာမှ အကြိုက် ဆုံးအရောင်က “အပြာ”။

(၃)
“ဂျင်း” ဘောင်းဘီဆို၍ သတိရစရာတခု ရှိသည်။ သုံ့ပန်း တပ်မတော်သားလေးတဦးနှင့် ကျနော်တို့ ကျောင်းသားရဲဘော်များကြားမှ “ဂျင်း” ဘောင်းဘီအကြောင်း။

ကျနော် “ကျောင်းသားတပ်မတော်” မှာ ရဲဘော်အဖြစ်တာဝန်ယူစဉ် ကျနော်ကိုယ်တိုင်ပါဝင်ခဲ့ရပြီး သမိုင်းကြောင်းနှင့် စပ်ဆက်နေသည့် စခန်းနေရာ ၂ နေရာရှိသည်။ ၁၉၉၁ ခုနှစ်များလောက်ဆီက ဖာပွန်မြို့နယ် သံလွင်မြစ်တနေရာရှိ “ဒါးဂွင်” ဆိုသည့်နေရာကို ကျနော် တို့ကျောင်းသားများက ဗဟိုဌာနချုပ်တည်ထောင်ပြီးနေခဲ့သည်။ ထိုနေရာကိုလည်း “ဒါးဂွင်” မှသည် “ဒေါင်းဂွင်” ဟု အမည်တွင်စေခဲ့သည်။ ထို “ဒေါင်းဂွင်” ဌာနချုပ်တွင် ကျနော့်ရဲ့မိခင်တပ်ရင်းဖြစ်သည့် အမှတ် ၆၀၁ တပ်ရင်းအတွက် တပ်တည်နေရာပေးထားသည့် နေရာရှိသည်။ ထိုပေးထားသည့် တပ်တည်နေရာသည် ဗိုလ်ချုပ်အောင်ဆန်း ဂျပန်တွင်စစ်ပညာသင်ပြီး ယိုးဒယားတွင် တပ်မတော်ဖွဲ့ကာ ဗမာပြည်ကို ၀င်ခဲ့စဉ်က စခန်းချခဲ့သည့်တောင်ကုန်းဖြစ်သည်။

နောက်တနေရာက “လေးဝါး” စခန်း။ ရဲဘော်သုံးကျိပ်ကိုစုဆောင်းစဉ်က ဗကသများအဖွဲ့ချုပ်မှ အလုပ်အမှုဆောင် ကော်မတီများလည်း ပါဝင်ခဲ့သည်။ ထိုအလုပ်အမှုဆောင်ကော်မတီဝင်များထဲတွင် ထိုအချိန်က (ဗကသ) များအဖွဲ့ချုပ် အတွင်းရေးမှူးဖြစ်သည့် “ဗိုလ်ရန်နိုင်” လည်း အပါအ၀င်ဖြစ်သည်။ ကျနော့်မိခင်တပ်ရင်း တပ်တည်နေရာသည် ဗိုလ်ချုပ်အောင်ဆန်း စခန်းတည်ခဲ့သည့်နေရာဖြစ်သလို “လေးဝါး စခန်း” သည်လည်း ထိုအချိန်က ရဲဘော်သုံးကျိပ်ဝင် (ဗကသ) များအဖွဲ့ချုပ် အတွင်းရေးမှူး ဗိုလ်ရန်နိုင် စခန်းတည်၍ ဖက်ဆစ်ဂျပန်များကို တိုက်ခဲ့သည့် နေရာဖြစ်သည်။

ထို “လေးဝါးစခန်း” ကို စတင်ဖွဲ့တည်ခဲ့သည့်သူက ယခု “ကျောင်းသားတပ်မတော်” တွင် “ဗဟိုစစ်ကော်မရှင်” အတွင်းရေးမှူး တာဝန်ယူ ထားသည့် “ဗိုလ်ခင်ကျော်” ဖြစ်သည်။ ဗိုလ်ခင်ကျော်သည် လေးဝါးစခန်းကို အလကားရခဲ့သည်မဟုတ်။ တိုက်ပွဲများဖြင့် လေးဝါးစခန်းကို ရယူခဲ့ရခြင်းဖြစ်သည်။ လေးဝါးစခန်းတွင် ကျောင်းသားတွေ တပ်စခန်းမချနိုင်ရေးအတွက် ရန်သူစစ်အုပ်စုမှ အပြင်းအထန် ထိုးစစ်ဆင်ခဲ့ကြ သည်။ ထိုထိုးစစ်များကို ကြံ့ကြံ့ခံရင်ဆိုင်ပြီး လေးဝါးစခန်းကို တည်ထောင်ခဲ့ခြင်းဖြစ်သည်။

လေးဝါးစခန်းကို တည်ထောင်ခါစ။ တိုက်ပွဲများပြင်းထန်နေစဉ် တခုသောတိုက်ပွဲတွင် တပ်မတော်သားတဦးကို လက်ရဖမ်းဆီးရမိသည်။ သူတို့ဘက်က ထိုးစစ်ဆင်၍ တိုက်ပွဲများဖြင့် အခြေအနေရှုပ်ထွေးနေသော်လည်း လက်ရဖမ်းမိသည့် သုံ့ပန်းတပ်မတော်သားရဲဘော်ကို မ သတ်။ အစောင့်အရှောက်များဖြင့် ထားသည်။ ကျနော်တို့ ကျောင်းသားတပ်မတော်တွင် လက်ရဖမ်းမိသည့် သုံ့ပန်းတပ်မတော်သားများကို သတ်ရန် ပေါ်လစီမရှိသော်လည်း အဆင့်ဆင့်သော တပ်မတော်သားများကြား မှားယွင်းသည့် ၀ါဒဖြန့်မှုများကြောင့် သုံ့ပန်းတပ်မတော်သား လေးက ကြောက်နေသည်။ သူ့ကို သတ်လိမ့်မည်ဟုပင်ထင်နေသည်။ အစောင့်ရဲဘော်များမှ ထိုသုံ့ပန်းတပ်မတော်သားလေးကို သတ် မည်မဟုတ်ကြောင်း မည်သို့ပင်ပြောသော်လည်း သူက သတ်လိမ့်မည်ဟုပင် ထင်နေသည်။ သုံ့ပန်းတပ်မတော်သားလေးက တငိုငိုတရီရီ။ ထိုအခြေအနေကို အစောင့်ရဲဘော်များမှ တပ်မှူးဖြစ်သည့် ဗိုလ်ခင်ကျော်ကို တင်ပြကြသည်။

ဗိုလ်ခင်ကျော်က သုံ့ပန်းတပ်မတော်သားလေးကို ထိန်းသိမ်းထားရာသို့ သွားရောက်စစ်ဆေးရတော့သည်။ ဖြစ်ပုံက ဗိုလ်ခင်ကျော်က တိုက် ပွဲတခုတွင် ဒဏ်ရာရ၍ မျက်လုံးတဖတ်ထုတ်ထားရသည့်လူ။ ဗမာစစ်စစ်။ အသားမဲမဲ ထောင်ထောင် မောင်းမောင်း။ သုံ့ပန်းတပ်မတော် သားလေးက ဗိုလ်ခင်ကျော်ကိုတွေ့သည်နှင့် ငိုလေတော့၏။ သုံ့ပန်းတပ်မတော်သားလေးကို အားပေးနှစ်သိမ့်ရန်သွားသည့် ဗိုလ်ခင်ကျော် ခမျာ ဘာလုပ်ရမည်မသိ။ ထိုသို့ဖြစ်နေစဉ် သုံ့ပန်းလေး၏ အပြောစကားကြောင့် ကျနော်တို့ရဲဘော်များအားလုံးငြိမ်မိလျက်သား။

“ကျနော့်ကိုသတ်မယ်ဆိုလည်း သတ်ပါဗျာ။ မသတ်ခင်မှာတခုတော့ တောင်းဆိုချင်ပါတယ်။ ကျနော့်ဘ၀မှာ တခါမှ “ဂျင်း” ဘောင်း ဘီမ ၀တ်ဖူးလုိ့ သတ်မယ်ဆိုလည်း “ဂျင်း” ဘောင်းဘီလေးတော့ ၀တ်ပါရစေ။”

(၄)
ယခုအချိန်မှာ ထိုသုံ့ပန်းလေးက ICRC အစီအစဉ်ဖြင့် ဥရောပတနေရာမှာ အခြေချနေထိုင်နေပြီဖြစ်သည်။ သူဝတ်ချင်နေသည့် “ဂျင်း” ဘောင်းဘီများကို ၀တ်၍ ပျော်ရွှင်နေပေလိမ့်မည်။

မကြာသေးသောကာလက သမ္မတကြီး ဦးသိန်းစိန်မှ သူ့၏မိန့်ခွန်းတခုတွင် တောတွင်းရဲဘော်များကို သေနတ်များအစား လက်ပ်တော့များ ကိုင်စေချင်ကြောင်း ထည့်သွင်းပြောကြားသွားသည်။ ကောင်း၏။ ကျနော်ကတော့ ကျနော့်အတွေ့အကြုံဖြင့် သမ္မတကြီးကို အကြံတခုပေး ချင်နေမိသည်။ သမ္မတကြီးအနေဖြင့် တောတွင်းရဲဘော်များအား သေနတ်များအစား လက်ပ်တော့များပေးလိုသည့်စေတနာကို ကြိုဆိုသော် လည်း အမှန်တကယ်အနေဖြင့် သမ္မတကြီးနှင့်အနီးဆုံး တပ်မတော်သား အယောက်စိတိုင်းကို “ဂျင်း” ဘောင်းဘီတထည်စိ ဝေငှပေးစေ ချင်သည်။ သမ္မတကြီးအနေဖြင့် တပ်မတော်သားများကို ပေးစေချင်သည့် “ဂျင်း” ဘောင်းဘီ၏ အရောင်က .... “အပြာ”

မူရင်း
- http://www.facebook.com/notes/nyo-htet/%E1%80%82%E1%80%BA%E1%80%84%E1%80%B9%E1%80%B8%E1%80%B1%E1%80%98%E1%80%AC%E1%80%84%E1%80%B9%E1%80%B8%E1%80%98%E1%80%AE-%E1%80%A1%E1%80%BB%E1%80%95%E1%80%AC/375857429135916


Regards

AN

Tuesday, June 19, 2012

ဒေါ်အောင်ဆန်းစုကြည်အတွက် မွေးနေ့ဆုတောင်းနှင့် မြန်မာနိုင်ငံ အမျိုးသမီးများနေ့ ပေါ်ပေါက်လာပုံ



ဇွန်လ (၁၉) ရက်နေ့ကို ဒေါ်အောင်ဆန်းစုကြည် မွေးနေ့ဆိုတာ အားလုံးလိုလို သိကြပေမဲ့ မြန်မာနိုင်ငံ အမျိုးသမီးများနေ့အဖြစ် သိသူတွေ အင်မတန် နည်းနေသေးတာကို တွေ့ရပါတယ်။ ၁၉၉၇ ခုနှစ် ဇွန်လ (၁၉) ရက်နေ့ ဒေါ်အောင်ဆန်းစုကြည်ရဲ့ ၅၂ နှစ်နှစ်မြောက် မွေးနေ့က ထိုင်းနိုင်ငံ ဘန်ကောက်မြို့ရှိ ချူလာလောင်ကွန် တက္ကသိုလ်မှာ ဒေါ်အောင်ဆန်းစုကြည် မွေးနေ့ကို မြန်မာနိုင်ငံ အမျိုးသမီးများနေ့အဖြစ် မြန်မာ့အရေး ဆောင်ရွက်နေသော အဖွဲ့အစည်းများနှင့် မြန်မာအမျိုးသမီးများ ပူးပေါင်းပြီး မြန်မာ အမျိုးမီးများနေ့အဖြစ် စတင် ကျင်းပခဲ့ပါတယ်။ တချိန်တည်းမှာပဲ ပြည်တွင်းက NLD အဖွဲ့ချုပ်မှာလည်း ကျင်းပခဲ့ပါတယ်။ နောက်နှစ်တွေမှာလည်း ပြည်ပတွေမှာ ဆက်လက်ကျင်းပလာခဲ့ပါတယ်။ ယခုနှစ် ဒေါ်အောင်ဆန်းစုကြည်ရဲ့ ၆၇ နှစ်မြောက် မွေးနေ့မှာ ကျရောက်တဲ့ မြန်မာနိုင်ငံ အမျိုးသမီးများနေ့ဟာ ၁၆ ကြိမ်မြောက် ရှိပါပြီ။ ဒီနှစ်ကျရောက်တဲ့ မြန်မာနိုင်ငံ အမျိုးသမီးများနေ့နဲ့ ဒေါ်အောင်ဆန်းစုကြည်ရဲ့ မွေးနေ့ကို သက္ကရာဇ် ၂၀၀၀ ခုနှစ်၊ ဇွန်လ (၁၉) ရက်နေ့မှာ Alternative Asean Network on Burma မှ ထုတ်ဝေတဲ့ ၅၅ နှစ်မြောက် ဒေါ်အောင်ဆန်းစုကြည် မွေးနေ့နဲ့ ၄ ကြိမ်မြောက် မြန်မာနိုင်ငံ အမျိုးသမီးများနေ့ အထိမ်းအမှတ်အဖြစ် ထုတ်ဝေတဲ့ "မြန်မာနိုင်ငံမှ အမျိုးသမီးများ၏အသံ" စာအုပ် အတွက် ဒေါ်အောင်ဆန်းစုကြည်ကိုယ်တိုင် ရေးသားပေးပို့သည့် အမှာစကားကို ကူးယူဖေါ်ပြပြီး ၁၆ ကြိမ်မြောက် မြန်မာနိုင်ငံ အမျိုးသမီးများနေ့နဲ့ ၆၇ နှစ်မြောက် ဒေါ်အောင်ဆန်းစုကြည်၏ မွေးနေ့ကို ဂုဏ်ပြုလိုက်ပါတယ်။ အပေါ်ကပုံက ပထမကြိမ် အမျိုးသမီးများနေ့ကို ချူလာလောင်ကွန် တက္ကသိုလ်မှာ ကျင်းပစဉ်က မြန်မာ့အမျိုးသမီး သမဂ္ဂမှ တက်ရောက်သည့် ကိုယ်စားလှယ် နှစ်ဦး ဖြစ်ပါတယ်။

<iframe width="420" height="315" src="http://www.youtube.com/embed/CLQZA-ZTVwI" frameborder="0" allowfullscreen></iframe>

 
၎ ကြိမ်မြောက် မြန်မာအမျိုးသမီးများနေ့ အထိမ်းအမှတ် အတွက် ထုတ်ဝေတဲ့ စာအုပ်အတွက် ဒေါ်အောင်ဆန်းစုကြည်ပေးပို့သော အမှာစကား


အခု ကျမရဲ့မွေးနေ့ချိန်ခါမှာ ဒီလိုကျမတို့ မြန်မာအမျိုးသမီးများနဲ့ ပြောနိုင်အောင် လုပ်ပေးတဲ့သူများ အားလုံးကို ကျေးဇူးတင်ပါတယ်။ ဒီအချိန်အခါကို ကျမတို့အခွင့်ကောင်းယူပြီး ပြောစရာရှိတာ ပြောရမှာပါ။ မြန်မာနိုင်ငံတွင်းမှာဆိုရင် လွတ်လွတ်လပ်လပ် သွားလာပိုင်ခွင့်၊ လွတ်လွတ်လပ်လပ် ပြောဆိုပိုင်ခွင့်နဲ့ ဆွေးနွေးပိုင်ခွင့်မရှိတဲ့အခါကျတော့ ကျမတို့မြန်မာ အမျိုးသမီးများနဲ့ ဆက်သွယ်ဖို့ဆိုတာ မလွယ်ပါဘူး။ အာဏာရှင်စနစ်အောက်မှာဆိုလို့ရှိရင် ဒီလိုပါပဲ။ လွတ်လွတ်လပ်လပ် ပြောဆိုခြင်း၊ လွတ်လွတ်လပ်လပ် ဆက်သွယ်ခြင်း၊ လွတ်လွတ်လပ်လပ်ဆွေးနွေးခြင်း၊ လွတ်လွတ်လပ်လပ် တွေ့ဆုံခြင်းဆိုတာတွေဟာ အင်မတန်မှ ခက်ခဲပါတယ်။ ဒါတ်ေလွတ်လပ်လပ် ပြောဆိုခြင်း၊ လွတ်လွတ်လပ်လပ် ဆက်သွယ်ခြင်း၊ လွတ်လွတ်လပ်လပ်ဆွေးနွေးခြင်း၊ လွတ်လွတ်လပ်လပ် တွေ့ဆုံခြင်းဆိုတာတွေဟာ အင်မတန်မှ ခက်ခဲပါတယ်။ ဒါပေမဲ့လဲ ကျမတို့ဟာ ဒီလိုလွတ်လပ်မှုတွေအတွက် ကြိုးစားနေတာ ဖြစ်ပါတယ်။

ကျမတို့နိုင်ငံရဲ့ ဒီမိုကရေစီအရေးဟာ နိုင်ငံရေးသက်သက် မဟုတ်ဘူး။ လူထုအရေးဖြစ်တယ်ဆိုတာကို အထူးသဖြင့် ကျမတို့ရဲ့ အမျိုးသမီးတွေကို နားလည်စေချင်ပါတယ်။ ဒီလိုပြောခြင်းဟာ အမျိုးသားတွေက နားလည်ပြီးသားထင်လို့ ပြောတာမဟုတ်ပါဘူး။ အမျိုးသားတွေဟာ နားလည်ဖို့ မလိုဘူးလို့ ထင်လို့လဲ မဟုတ်ပါဘူး။ ဒါပေမဲ့ ဒီလိုကျမရဲ့ မွေးနေ့အချိန်ခါမှာ အမျိုးသမီးတွေကို ကျမအာရုံပြုချင်လို့ ဖြစ်ပါတယ်။ ကျမတို့အခု မြန်မာနိုင်ငံမှာဆိုရင် ဒီမိုကရေစီအတွက် ရုန်းကန်ခဲ့တာဟာ ဆယ်နှစ်ကျော်သွားပါပြီ။ အဲဒီ ဆယ်နှစ်ကျော်အတွင်း ရုန်းကန်မှုထဲမှာဆိုရင် အမျိုးသမီးတွေရဲ့ ကဏ္ဍဟာ ဘယ်လောက်အထိ အဓိကကျတယ်ဆိုတာ ကျမတွေ့မြင်ခဲ့ရပါတယ်။ အမျိုးသမီးတွေ စိတ်ခိုင်မာမှသာလျှင် မိမိတို့နဲ့ သက်ဆိုင်တဲ့အမျိုးသားများက နိုင်ငံရေးသော်လည်းကောင်း၊ လူမှုရေးသော်လည်းကောင်း တက်တက်ကြွကြွ ထိထိရောက်ရောက် လုပ်နိုင်တယ်ဆိုတာ မြင်ရပါတယ်။ ကျမတို့ရဲ့ ဒီမိုကရေစီအတွက် လှုပ်ရှားနေတဲ့ အမျိုးသမီးတွေဟာ အများကြီးပဲ အနစ်နာခံပါတယ်။

မကြာခင်ကဆိုရင် သူ့ရဲ့သားအဖမ်းခံသွားခဲ့ရတဲ့ အမျိုးသမီးကြီးတယောက်နဲ့လဲ ကျမတွေ့ခဲ့ပါတယ်။ အဲဒီအမျိုးသမီးကြီး နှစ်ယောက်ဟာ စိတ်ချင်းသဘောချင်း အတူတူပါပဲ။ မိမိတို့ ကလေးတွေ လုပ်နေတာမှန်တယ်၊ အများရဲ့ကောင်းကျိုးအတွက် လုပ်နေတဲ့ကိစ္စမို့လို့ ဘာဘဲဖြစ်ဖြစ် လက်ခံမယ်၊ ဘာပဲဖြစ်ဖြစ် ရင်ဆိုင်မယ်ဆိုတဲ့ စိတ်ဓါတ်ရှိပါတယ်။ မိန်းကလေးရဲ့ အမေဟာဆိုရင် သူ့သမီးလေး မသွားခင်မှာလိုက်တယ်၊ အမေ့ကြောင့်မို့လို့တော့ အဖွဲ့ချုပ်က လက်မှတ်ထိုးပြီး ထွက်တဲ့အဖြစ် အဖြစ်ပါစေနဲ့လို့ မှာလိုက်ပါတယ်။ ဆိုလိုတာကတော့ အမေ့ကိုငှဲ့ပြီး ကိုယ်လုပ်သင့် လုပ်ထိုက်တဲ့ကိစ္စကို မလုပ်ပဲ မနေပါနဲ့လို့ ပြောလိုတာ ဖြစ်ပါတယ်။ အဲဒီလို စိတ်ဓါတ်ခိုင်မာတဲ့ အမျိုးသမီးတွေကြောင့် ဒီမိုကရေစီ လှုပ်ရှားမှုဟာ အဖိနှိပ်အချုပ်အချယ်ပေါင်း များစွာကြားထဲက အရှိန်အဟုန် မလျှော့သွားပဲနဲ့။

ဒီနိုင်ငံမှာတင်မက ဒီကမ္ဘာကြီမှာ ငြိမ်းချမ်းမှုရဖို့၊ အေးချမ်းမှုရဖို့ဆိုတာ အမျိုးသမီးတွေက အများကြီး လုပ်ပေးဖို့လိုပါတယ်။ နိုင်ငံတကာမှာ ငြိ်မ်းချမ်းမှုမရှိဘူး၊ လုံခြုံမှုမရှိဘူး၊ စီးပွားရေးတိုးတက်မှု မရှိဘူး၊ ကျန်းမာရေး၊ ပညာရေးတိုးတက်မှုမရှိဘူးဆိုရင် အဓိကခံရတာ အမျိုးသမီးတွေပဲ ဖြစ်ပါတယ်။ ဒါကြောင့်မို့လို့ ကျမတို့အမျိုးသမီးများဟာ မိမိတို့ရဲ့ မိသားစုအရေးနဲ့ နိုင်ငံ့အရေးကို ခွဲခြားလို့ မရဘူးဆိုတာကို နားလည်ဖို့လိုပါတယ်။ အဲဒီ နားလည်မှုရှိတဲ့ အမျိုးသမီးတွေလည်း ရှိတယ်ဆိုတာ တော်တော်များများ ကျမတို့တွေ့မြင်ခဲ့ရလို့ အင်မတန်မှ အားတက်ခဲ့ရပါတယ်။

နောက် ကျမတို့နိုင်အတွင်းမှာ ငြိမ်းချမ်းမှု ရှိဖို့၊ စည်းလုံးညီညွတ်မှု ရှိဖို့ဆိုတာလဲ အမျိုးသမီးများကနေ ဦးဆောင်ပြီး လုပ်ပေးဖို့ လိုပါတယ်။ ကျမတို့ နိုင်ငံအတွင်းမှာဆိုရင် တိုင်းရင်းသား ညီအစ်ကို မောင်နှမများစွာ နေကြပါတယ်။ ဒီတော့ ဒီလိုတိုင်းရင်းသားများ အချင်းချင်း နားလည်မှုရှိဖို့၊ ညီညွတ်မှုရှိဖို့၊ တဦးပေါ်တဦး ခင်ခင်မင်မင် မေတ္တာ စေတနာထားနိုင်ဖို့အတွက် အမျိုးသမီးတွေက အများကြီးလုပ်ပေးနိုင်ပါတယ်။ အမျိုးသမီးအချင်းချင်းဆိုရင် နားလည်မှုအများကြီး ရှိပါတယ်။ ကလေးများအတွက် ပူတာ မွန်မိခင်တယောက်ဖြစ်စေ၊ ကရင်မိခင်တယောက်ဖြစ်စေ၊ ဗမာမိခင်တယောက် ဖြစ်စေ၊ ချင်းမိခင်တယောက် ဖြစ်စေ၊ မိခင်များက ကလေးများအတွက် စိုးရိမ်တာ ပူပန်တာတွေဟာ တယောက်နဲ့တယောက် နားလည်မှု ရှိကြပါတယ်။ အခြေခံ နားလည်မှုတွေအပေါ်မှာ ကျမတို့ကနေပြီး နိုင်ငံအတွက် ညီညွတ်မှုကို တည်ဆောက်ရမှာ ဖြစ်ပါတယ်။

ဒီတော့ ကျမတို့ အမျိုးသမီးတွေကို နိုးကြားတက်ကြွစေချင်ပါတယ်။ စိတ်ဓါတ်ခိုင်မာစေချင်ပါတယ်။ ခိုင်မာပြီးသား စိတ်ဓါတ်တွေကို ပိုပြီးခိုင်မာအောင်လို့ ပြုစုပျိုးထောင်စေချင်ပါတယ်။ ကျမတို့ရဲ့ လူမှုရေးအသိုင်းအ၀ိုင်း၊ နိုင်ငံရေး အသိုင်းအ၀ိုင်းမှာ အမျိုးသမီးများ မပါဝင်လို့ မဖြစ်ဖူးဆိုတဲ့ အသိကိုလဲ စွဲစွဲမြဲမြဲ နှလုံးသွင်းထားစေချင်ပါတယ်။ ဒီနိုင်ငံမှာ အားလုံးဟာ နည်းနည်းလေးတော့ လုပ်ပေးနိုင်တာ ရှိတာပါပဲ။ ဒီမိုကရေစီ ရရှိရေးအတွက် လူတိုင်းဟာ နည်းနည်းလေး၊ နည်းနည်းလေး တယောက်စီ လုပ်ပေးမယ်ဆိုရင် ကျမတို့လိုချင်တဲ့ ပန်းတိုင်ကို အမြန်ဆုံးရောက်မှာပါ။ ကျမတို့လိုချင်တဲ့ ပန်းတိုင်ဆိုတာဟာ ပြည်သူအားလုံးအတွက် လုံခြုံမှု၊ အေးချမ်းတည်ငြိမ်မှုပေးမဲ့ ပန်းတိုင်ဖြစ်ပါတယ်။ အဲဒါကြောင့်မို့ ဒီပန်းတိုင်ရောက်ဖို့အတွက်ကို ကျမတို့ မြန်မာနိုင်ငံက အမျိုးသမီးများ အားလုံးကနေပြီးတော့ ၀ိုင်းဝန်းကူညီကြပါလို့ ကျမမေတ္တာရပ်ခံချင်ပါတယ်။

ကျေးဇူးတင်ပါတယ်။

အောင်ဆန်းစုကြည်


သက္ကရာဇ် ၂၀၀၀၊ ဇွန်လ ၁၉ ရက်နေ့မှာ ကျရောက်တဲ့ ဒေါ်အောင်ဆန်းစုကြည် (၅၅) နှစ်မြှောက်မွေးနေ့ နဲ့ (၄) ကြိမ်မြောက် မြန်မာနိုင်ငံ အမျိုးသမီးများနေ့ အထိမ်းအမှတ်ထုတ် မြန်မာ အမျိုးသမီးများအသံ စာအုပ်အတွက်  ဒေါ်အောင်ဆန်းစုကြည် ကိုယ်တိုင် ရေးသား ပေးပို့သည့် အမှာစကားဖြစ်ပါတယ်။


မိမိပိုင်ဆိုင်သမျှ အရာအားလုံးကို စွန့်ခွာပြီး အမိမြန်မာပြည်အတွက် လာရာက် စွန့်လွှတ်အနစ်နာခံပြီး ခက်ထန်မာကျော ရက်စက်ကြမ်းကြုတ်သူတွေ စိုးမိုးတဲ့ အာဏာရှင်စနစ်ကို ဒီမိုကရေစီစနစ်ဖြစ်လာအောင် ဦးဆောင်မှုပေးနေတဲ့ မြန်မာရော ကမ္ဘာပါလေးစားယုံကြည်ခံရတဲ့ ဒေါ်အောင်ဆန်းစုကြည်တယောက် သက်တော် ရာကျော်ရှည်ပါစေ။ ပျော်ရွှင်စရာ မွေးနေ့အချိန်အခါဖြစ်ပါစေ။
အတိတ်က ကြုံတွေ့ခဲ့ရတဲ့ ခါးသီးတဲ့ အနိဋ္ဌာရုံ အတွေ့အကြုံ အားလုံးမှ လုံးဝကင်းစင် လွတ်မြောက်ပြီး ဒီနေ့ အသက် ၆၇ နှစ်မွေးနေ့မှသည် မိမိကိုယ်တိုင်၊ မိမိမိသားစု၊ မိမိတိုင်းပြည်အတွက် လိုရာဆန္ဒမှန်သမျှ အားလုံးပြည့်ဝနိုင်ပါစေလို့ ဆုတောင်းလိုက်ပါတယ်။

 

(အမျိုးသမီးနေ့ အမျိုးသမီးအခွင့်အရေးနဲ့ ပတ်သက်တဲ့ ဓါတ်ပုံတချို့ကို ဆက်လက် ကြည့်ရှုနိုင်ပါတယ်။)


၁၉၉၈ ခုနှစ်၊ ဂျီနီဗာရှိ ၅၄ ကြိမ်မြောက် လူ့အခွင့်အရေး ကော်မရှင်မှာ မြန်မာ့နိုင်ငံ အမျိုးသမီးအခွင့်အရေး ချိုးဖေါက်ခံရမှု တင်သွင်းသည့် အဖွဲ့



၁၉၉၉ခု၊ ဇွန်လ (၁၉) ရက်နေ့ မြန်မာနိုင်ငံ အမျိုးသမီးများနေ့ အခမ်းအနား ပြီးစဉ် အမျိုးသမီးများနှင့် ကလေးများ အမှတ်တရ၊ Christian Youth Centre, Bangkok

သက္ကရာဇ် ၂၀၀၀၊ အမျိုးသမီးများနေ့၊ အမျိုးသမီးများနေ့ ဖြစ်မြောက်ရေး ကော်မရှင်အဖွဲ့ဝင်များ အမှတ်တရ၊ မြန်မာကျောင်းသားများစခန်း၊ မနီလွိုင်ရွာ၊ ရတ်ခ်ျပူရီ၊


၂၀၁၀ ခု ဇွန်လ ၁၉ ရက်နေ့က တင်တဲ့ပို့စ်ကို နေ့စွဲပြန်ပြင်ပြီး ဒီနှစ်အတွက် မြန်မာနိုင်ငံ အမျိုးသမီးများနေ့ အထိမ်းအမှတ်နဲ့ ဒေါ်အောင်ဆန်းစုကြည်အတွက် မွေးနေ့ဆုတောင်းကို  မြန်မာ့အမျိုးသမီးသမဂ္ဂ BWU က မဆူးပွင့်ရဲ့ မြန်မာနိုင်ငံ အမျိုးသမီးများနေ့ ဖြစ်ပေါ်လာပုံ သမိုင်းကို ပြောထားတဲ့ DVB အင်တာဗျူးနဲ့ ပေါင်းပြီး ပြန်တင်လိုက်ပါတယ်။ 

ရွှင်လန်းချမ်းမြေ့ကြပါစေ